~~~~~~गजल~~~~~~
हाम्रा नेता निकम्माछन् संविधान दिन सकेनन् ।
वीर योद्धा शहिदलाई सम्मान दिन सकेनन् ।।
बाँडि दियौ सारा आफ्ना नागरिकता विदेशीलाई ।
यहाँ आफ्नै टुहुरालाई पहिचान दिन सकेनन् ।।
जे जे गर्यौ सारा आफ्नै स्वार्थ निम्ती थोरै पनि ।
शहिदका परिवारलाई मुस्कान दिन सकेनन् ।।
लाखौं युवा वेरोजगार भै विदेश तिरै जान्छन् ।
देश भित्रै यी युवालाई लगान दिन सकेनन् ।।
लोक तन्त्र गण तन्त्र सबै तन्त्र आऐ यहाँ ।
कसैले नि निमुखालाई उत्थान दिन सकेनन् ।।
~~~~~~गजल~~~~~~
डाकुहरू लुट्छन असली हतियार देखाएर ।
निष्ठुरीहरू लुट्छन नक्कली प्यार देखाएर ।।
व्यापारी छाति फुलाई ईमानका कुरा गर्छन् ।
तर सँधै गला रेट्छन् कालो बजार देखाएर ।।
गाउँमा युवा मर्दैछन् देशमा बेरोजगार् भएर् ।
दलालले लुट्छन विदेशी रोजगार देखाएर ।।
कमिसनमा बिकेकाछन् हाम्रा देशका नेताहरू ।
देश कंगाल पार्दै छन झन् भ्रष्टाचार देखाएर ।।
स्वार्थी छ यो जमाना मान्छे अनि देउता पनि ।
अजयलाई लुट्छन देउताको अवतार देखाएर ।।
अजय पारष
जनकपुर नगर पालिका -४ हाल
जिल्ला स्वास्थ्य कार्यालय अछाम
0 comments:
Post a Comment