गजल********
कतै खडेरी कतै झरी नदेउ हे दैब,
नेपालीहरुलाई भोकमरी नदेउ हे दैब ।
गरिब भै जन्मनु दोष होइन तिनको,
दरबान,चौकिदार नोकरी नदेउ हे दैब ।
दाजुभाइमा काट्मार गाँउमा रुवाबासी,
आँसुको बिशाल पोखरी नदेउ हे दैब ।
बिदेसिन बाध्य बेरोजगार युवाहरुमा,
दुर दरारको स्वप्ननगरी नदेउ हे दैब ।
अभाब रोग भोकमा बाँच्नेलाई तिमी
भो अब यो जुनी अजम्बरी नदेउ हे दैब ।
Copyright@ मोहन बिहानी
भक्तिपुर सात सर्लाही
२०७०-०४-१४ बिहान
0 comments:
Post a Comment