गजल
अर्धमृत मायाको बिरुवा खुसुक्क अन्त सारेर नजाउ ल सानु,
नफक्रदैको मायाको कोपिला एक्कासी झारेर नजाउ ल सानु।
बगैचामा हजारौ फुलहरु छन मिठो मिठो सुवास छर्ने,
केवल रातो गुलाबलाई मात्र बार बारेर नजाउ ल सानु।
भवराँ नसम्झ मलाई तिमी जथाभाबि फुलमा रमाउने,
हिलोको कमलझै मलाई तलाउमा छाडेर नजाउ ल सानु ।
जित्यौ मायामा मेरो राजा भन्दै खुशीको अट्ठाहाँस गर्दै,
आजै तिमीले मेरा लागी फटाफट हारेर नजाउ ल सानु।
तिमी छैनौ साथ भने सन्सार सुन्य छ मेरा लागी,
हात अरुको लिएर मलाई एक्लो पारेर नजाउ ल सानु।
copyright@मोहन बिहानी,भक्तिपुर-७ सर्लाही२०६९-०१-२३ सनिबार
0 comments:
Post a Comment