तिमीहरुले गर्ने घात कहाँ कम छ र ?

~~~~~गजल ~~~~~~

तिमीहरुले गर्ने घात कहाँ कम छ र ?
बेमौषमा हुने बर्षात कहाँ कम छ र ?

रोजगारीको नाउँमा मानव तस्करी हुदाँ
बेरोजगारीको जमात कहाँ कम छ र?

बिर्सेको छैन बम गोला बारुद खेलेको
यादमा बिध्वंशकारी रात कहाँ कम छ र?

कति छिट्टै बिर्सेको हिजो बाँडेको सपना
लाचार मान्छेको बात  कहाँ कम छ र?

जनताले चाहेर पनि केहि हुने बाला छैन,
भन्छन बिदेशीको हात कहाँ कम छ र?

copyright © मोहन बिहानी
भक्तिपुर सात सर्लाही
२०७०-१०-१४ मंगलबार